Молитва Господу нашему Иисусу Хри­сту об избавлении от пианства и нарко­мании и всякаго инаго дурмана.

 

Господи, Иисусе Христе, Пастырю доб­рый словесных овец! Ты рекл еси иногда апостолом Твоим: «Пастырь добрый душу свою полагает за овцы. Овцы Моя гласа Моего слушают, и Аз знаю их, и по Мне гря­дут. И Аз живот вечный дам им, и не погиб­нут во веки, и не восхитит их никтоже от руки Моея» (Ин. 10»: 11,27-28). Верно слово всяко Создателя нашего, и не изнеможет у Бога всяк глагол. Спаси же, Сладчайший Иисусе, овцы Твоя заблуждшия, страстию пианства и всякаго инаго дурмана одержимыя, глусии яко ас­пиды к увещеванием ближних своих и отцев духовных, буии и слепии, в бездну адову ле­гионами бесовстими влекомии яко стадо свиное, при жизни мертвии. Изыди во взы­скание их, Господи, возложи я на раме Свои яко овча заблуждшее, даруй им зрети безу­мие свое, и положи на сердце им намерение благое ко исправлению жития своего гре­ховнаго. Даждь им веру твердую и упование несумненное на спасение, и время довольно на покаяние. Ближним же их даруй терпение и любовь к ним, погибающим. Помози нам, Господи, аще хощеши, и спаси ны, яко Милосерд.

Аминь.